Konsèy pou tout moun ki gen kòb nan labank an Ayiti. 🇭🇹

Konsèy pou tout moun ki gen kòb nan labank an Ayiti. 

1.- Pa bay labank bon adrès ou. Anpil nan anplwaye bank nan rezo kidnapè.
2.- Pa mete gwo kòb ou nan yon sèl bank.
3.- Pa aksepte yo voye ''état de compte'' lakay ou oubyen kado finisman ane ba ou nan adrès lakay lè w se gwo klyan.
4.- Pa janm respekte randevou bank ba ou lè w se gwo klian. Toujou ba yo sipriz.
5.- Pa janm fè gwo retrè: fè plizyè retrè pandan plizyè jou ak plizyè kote.
6.- Chache genyen nimewo telefòn ak adrès moun ki ap sèvi w nan bank yo lè w se gwo klian. Pou ka frape yo lè w sispèk se yo ki frape w.
7.- Bay bank yo plizyè nimewo telefòn pou yo pa fin konnen ki kote yo ka jwenn you.
8.- Ba yo sèlman nimewo edem peze, pa ba yo nimewo telefòn entelijan w.
9.- Toujou montre anplwaye bank ou pa bezwen zanmi yo, e ke w pa fè yo konfyans.
10.- Pa di nan antouraj ou kilè, ki kote w pral labank, ni ki montan w pral pran.
11.- Fè moun kredib akonpaye w lè w oblije fè tranzaksyon ki enpòtan.
12.- Pa bay anplwaye w lajan likid kòm salè. Ba yo chèk oubyen fè virman pou yo.
13.- Denonse bay DCPJ tout anplwaye bank ou sispèk ki on tijan dwòl lè w ap fè tranzaksyon enpòtan.
14.- Denonse bay DCPJ tout anplwaye bank ki ap itilize telefòn deyè kès la.
15.- Denonse bay DCPJ ak nan emisyon gran ekout nan laprès tout bank ki gen nèg a moto sou lakou yo.
16.- Denonse tout
 estasyon moto ki tou pre yo kelkeswa bank lan.
17.- Ey pou èy, dan pou dan: yo frape w, frape yo tou.
18.- Kanta laprès yo dwe site klèman nan ki bank viktim yo te soti. Pa gen afè pwoteje ti piblisite.

NB. Si gen lòt pwen n ajoute, epi pataje yo sou tout rezo sosyal yo.